X-in ram pahnihah annual fee a la ṭan

Social media platform, X chuan subcription fee siam an tum thu an sawi hnuah, ram pahnihah an en chhin ṭan ta. Annual fee hi New Zealand leh Philippines ramah kalpui ṭanin, kum khat atan USD 1 an la.

X neitu, Elon Musk chuan September thla khan X-a bots leh spammer venna atan subcription fee lak an tum thu hi a lo sawi lang tawh a ni. Fee a lak tur hi New Zealand dollar 1.43 leh Philippine peso 42.51 hu a ni.

Ram pahniha an en chhinnaah hian,web kaltlanga X hmang tharte chuan tweet, reply, retweet leh like-te an hman theihna turin kum khat atan USD 1 an pek nghal zel a ngai tawh ang. Annual fee pe lote chuan post chhiar, video en leh account follow chiah an ti thei dawn a ni. Subscription model thar an siam hi 'Not a Bot' tiin an vuah a, annual fee an lak hian bot venna kawngah result a nei ṭha dawn em tih pawh an la tarlan tur thu an sawi. Ram danga kalpui hun tur erawh an la sawi lang lo.

Musk-a'n X a lei hnu hian a kalphung a thlak danglam nual tawh a, X premium blue tick production siamin, blue tick pawh lei theihin a siam tawh bawk.