Ariana Grande-i'n album thar tur buaipui

Ariana Grande chuan a album pasarihna tur a buaipui mek nia sawi a ni. A album hnuhung ber, 'Positions' chu kum 2020 khan a tichhuak a ni.

'7 Rings' songstress, kum 30 mi hian a hma chuan a movie thar,'Wicked' lamah insawrbing rih a, recording studio lam la luh chilh mai rih loh a tum thu a sawi. Mahse SAG-AFTRA nawrh huaihawt mek avangin an film siam pawh hi an chhunzawm thei rih lo a, hei vang hian rimawi lam a hawi leh zawk a ni. New York-ah a producer Max Martin nen music thar hi an buaipui mek. Martin hi a hla hit hrang hrang, 'Problem', 'Break Free', 'Side to Side', 'Dangerous Woman','God Is a Woman' leh 'No Tears Left to Cry'-ahte a lo thawhpui tawh bawk.