Kanye West-a'n Zukerberg pawisa a dil!

Rapper Kanye West chuan USD mtd 53 zet ba a nei tih a sawi a, chumi hnuah a suangtuahna pui-tlin tur chuan sum tam tak a mamawh belh tih te a sawi a, hetiang vel a sawi chhuah mek lai hian Facebook neitu Mark Zu-kerberg chu pawisa a dil!

Kanye West chuan ba a ngah si a, sum a mamawh hnem bawk si a, chuvang chuan Mark Zukerberg hian sum lamah a ṭanpui thei lo maw tiin ṭanpuina a dil a ni. Kanye hian Twitter kaltlangin Zukerberg-a hnenah investment atan USD tld 1 hman a dil a ni. Mark Zukerberg hian engmah, hemi chung-changah hian tweet a nei lo a, mahse Kanye thu erawh a hmu ngei a, a like pawh a like ngei. Engtiangin nge a chhan ang tih erawh a hriat loh.

Hetihrual hian Kanye hian a hmelma lian ber chu amah a inhmangaihna leh amah a inngaihsan a, a indahsanna chu a ni tih a sawi. "Rap-ah chuan unauna ṭha tak kan siam chho ṭhin a, mahse ka hmelma lian ber chu keimah leh keimah ka indah sang leh inngaih ropuina hi a ni," a ti. 'Rap god' tia a inchhal ṭhin chu tun-ah chuan a inhnukdawk tawh a, 'Rap god' tih tur em chu ni loin a inhre ve ta a, chu bakah Rap lal-
ṭhuthleng a chuhna pawh a hnukdawk ta bawk.