Amway-in dawr thar an hawng

Amway India-in Chanmari, Aizawla dawr thar an siam chu Zirtawpni khan Aizawl FC captain David Lalrinmuana'n ribbon chep chatin a hawng.

Amway dawr thar hi B-8, 2nd Floor, Rintei Building, Federal Bank chungah siam a ni a, Amway product chi hrang hrang an zuar a ni.

Amway India vice pre-sident Diptarag Bhatta-charjee chuan, Mizoram chu sumdawnna atana hmun
ṭha a nih thu sawiin, "Vun enkawlna thil leh cosme-tics sumdawnnaah hma lam hun êng tak a awm a, Aizawla dawr thar kan hawng thei hi kan sumdawnna tiliantu a nih ngei kan beisei," a ti.

Diptarag Bhattacharjee sawi danin, Amway hian brand lian tak pahnih - Artistry leh Attitude an nei a, Artistry hi khawvela skincare product hralh tam lamah pangana a tling pha. Amway hian Ada, Michigan, USA-ah hmunpui an nei a, khawvel ram 100-ah sumdawnna an kalpui mek a ni.