Gwen Stefani Ngaihzawng pahnih chauh a la nei

Zaithiam Gwen Stefani hian ngaihzawng a la nei mang lo tih hi khawvel hriat a ni a, mahse a zat erawh a chiang lo ṭhin. A video leh TV-a a landan hi chuan ler ve hmel tak, ngaihzawng pawh nei duah tawh nag chi a nih hmel viau nain, TV-a kan hmuh dan ang hi a nun tak tak chu a ni hauh lo.

K-Earth 101 FM radio-in an kawmnaah Gwen Stefani hian ngaihzawng a neih tawh zat a sawi chhuak a, kum 46 a ni tawh a, mahse ngaihzawng erawh chu pahnih chauh a la nei tih a sawi a, tute nge a ngaihzawngte chu tih erawh a sawi chhuak lo a, hei hian zawhna a siam nasa hle.

No Doubt-a a bandmate ṭhin, Tony Kanal nen kum sarih zet an inngaihzawn hnuah kum 1994 khan an inṭhen a, hemi hnu hian Gavin Rossdale nen an inzui a, kum 2002 khan an innei a, nikum khan an inṭhen. Tunah hian Blake Shelton nen an inngaizawng mek. Hetiang aṭang hi chuan pathum a ni tlat mai hian zawhna a siam a ni. Gavin Rossdale hi a pasal ṭhin a nih avangin ngaihzawng a neih tawhah hian a chhiar tel lo mai niin mi ṭhenkhat chuan an ngai.