Kendrick Lamar-a'n Pathian a fak. Rev. Franklin Graham-a'n Swift leh West te Pathian chawimawina chang hre lo niin a sawi

Grammy Awards behbawm kal zel kha a ni. Kendrick Lamar chuan hlawhtlinna ropui tak tak a chan mai bakah, 'Best Rap Album' a dawn avangin Pathian a chawimawi. Hetihlai hian Rev. Franklin Graham chuan Taylor Swift leh Kanye West te chu an hlawhtlinna leh larnaa Pathian fak leh chawimawina chang an hre lo chu a sawisel thung.

Kendrick Lamar hian award a dawn chungchangah, "A hmasa berin Pathian hnenah chawimawina leh ropuina awm rawh se," tiin a hlawhtlinna avangin Pathian credit a pe a ni. Lamar hi Kristian a ni a, tunhnaiah pawh a rinna chung-chang a sawi chhuak fo.

Mizoramah pawh rawn kal tawh Franklin Graham chuan Taylor Swift leh Kanye West te ṭawngkama an inbat leh hlak hlak ṭhin leh, Grammy Awards semnaa Taylor Swift-i'n Kanye West sawi chhan taka a thusawi chungchang a sawi a, Pathian hnenah lawmthu sawi mai se a duh.

F. Graham chuan, "Kanye West leh Taylor Swift chungchang hi ka hre tam lem lo a, mahse ka hriat aṭanga ka sawi chhuah duh chu, eng anga hlawh-tlinna ropui an chang a nih pawhin, a chhan ber, a bulpui ber chu Pathian a ni," a ti. "Ka hun tawn tawhah te ka nunah hian Pathian hnathawh ropui tak ka hmu ṭhin; thil chhinchhiahtlak leh ropui kan tih theihna chhan hia khawngaihna leh amah avang liau liau a ni a, a hnenah tam tak kan ba a ni," a ti. Graham chuan an pahniha
ṭawngkam emawa inbei tawn mai mai loin, an hlawhtlinna leh larna avang hian Pathian hnenah lawm thu sawi mai rawh se a ti a ni.