R-rated movie hlawhtling 'Deadpool'

Deadpool tuilianin a chim chin a san belh zel a, tunah chuan r-rated movie zinga sum lalut hnem ber dawttu a ni ta. Box office-ah he movie hian kar tawp chhung khan sum a lalut hnem leh ber bawk.

Deadpool hian kar tawp chhung khan USD mtd 55 zet a lakluh belh leh a, hengte nen hian North America bikah USD mtd 235.39 zet a lalut tawh a, X-Men film-ho zingah chuan chuan, US-a sum lalut hnem ber a ni. Ryan Reynolds-a channa Deadpool hi hian a hmaa X-Men film hlawhtling tawhho a rawn lehpel vek a, The Last Stand te, Days of Future Past leh X-Men 2 te a rawn khum ta.

North America pawnah USD mtd 85 a lakluh belh leh bawk a, hengte nen hian US pawna a sum lakluh tawh zawng zawng USD mtd 256.3 a tling tawh a, tichuan, North America aṭanga a sum lakluh tawhte nen USD mtd 491.7 sum thawk chhuak tawh a ni. R-rated movie zinga sum lalut hnem ber chu The Matrix Reloaded kha a ni a, khawvel pumah USD mtd 742.1 zet a lalut tawh a, hei hi Deadpool hian khum thei dinhmunah a ding mek.

Box office movie

"Deadpool" - $mtd55

"Kung Fu Panda 3" - $mtd12.5

"Risen" - $mtd11.8

"The Witch" - $mtd8.7

"How to Be Single" - $mtd8.2

"Race (2016)" - $mtd7.3

"Zoolander 2" - $mtd5.5

"Star Wars: The Force Awakens" - $mtd3.8

"The Revenant" - $mtd3.8

"Hail Caesar" - $mtd2.6