Mizo gospel band thar ‘LIGHTHOUSE’ in album tichhuak

Mizo gospel band thar LIGHTHOUSE chuan Pathian fakna hla 9 awmna, 'Isu hming mawi ber' album chu nimin khan an tichhuak. Music video thar pahnih siam nghalin, hei hi Zonet cable TV leh YouTube lamah en leh ngaihthlak theihin a awm.

'LIGHTHOUSE' band hi member pali niin, Rpa Ralte leh Prisicilla L Fanai te din a ni. An album-a hlate hi an pahniha an phuah vek niin, thlarau lama tuihalna leh Pathiana lawmna puan chhuahna album a ni.

Album hi Darbu leh Thul khung app. aṭangin a duh apiang tan a lei theih dawn a, ₹135 man chauh a ni ang. Album hralhna man zawng zawng hi band hian charity-ah an pe chhuak vek dawn a, an album hi lo lei ve ngei turin mi tin an sawm a ni.