Paris Hilton-in album thar siam dawn

23rd October, 2023

Paris Hilton chuan Sia thawhpuiin, kum thar lamah album thar tihchhuah a tum.

'Stars Are Blind' singer hian kum 2006 khan a album hmasa ber, 'Paris' a tichhuak a, hemi hnu hian album dang a siam chhunzawm tawh lo. Mahse tun hnaiah 'Cheap Thrills' singer Sia hi thawhpuiin, album thar tur hi a buaipui mek tih 'The Tonight Show Starring Jimmy Fallon'-ah a sawi chhuak.

"Simple Life" star, Paris Hilton hian Stevie Aoki nena an hla thar, 'Lighter' chu tun kar hian tihchhuah a tum bawk. He track hi superstar DJ studio album 10-na, November 17-a a tihchhuah tur 'HiROQUEST : Double Helix' ah a tel dawn a ni.