Super Mario leh Sonic game thar a chhuak

Kum 1990 chhoa lar tak leh gaming industry lama inel chho tak, Super Mario leh Sonic game thar chu kar liam ta khan tlangzarh an ni ve ve a, gaming chart lamah an rawn inel chho dawn e.

Kar liam ta Thawhlehni khan Sonic Superstars a chhuak a, Zirtawpniah Super Mario Bros Wonder an tlangzarh ve leh bawk. Heng game pahnihte hi visual style leh gameplay mechanic lam pawh a inang hle a, 2D side-scrolling game niin a rualin mi paliin an khel thei ve ve a ni. Game pahnihte hi kar khata tlangzarh rual an nih hnuhnung ber chu kum 1992 kha niin, November chawlhkar hnuhnung berah Super Mario Land 2 leh Sonic 2 tlangzarh an ni.