David Beckham documentary-in record a siam

David Beckham documentary, 'Beckham' chu Netflix-ah tihchhuah niin, UK-ah record a siam nghal a, kumina Netflix-a entu ngah ber a ni der tawh.

He series hi October 4 khan tihchhuah niin, episode hmasa ber chuan UK bikah viewer mtd 3.8 a nei nghal a, a episode pahnihna pawhin viewer mtd 2.9 a nei bawk. US lamah pawh a hlawhtling hle a, US-ah kar hnih chhung Netflix-a show en nasat ber dinhmun a hauh a, kar khat chhungin view mtd 11.6 a nei hman.

Beckham series a hlawhtling bawk a, Netflix hian November thlaa Robbie William docu series a tihchhuah tur pawh a hlawhtlin chhoh leh hle a beisei. Disney+ pawhin tun kar hian Coleen Rooney doc series tihchhuah a tum ve bawk.