Kanye West - A hausa nge a rethei?

Tunhnaiah USD mtd 53 zet ba a nei tih a sawi chhuak a, a rethei hle ni âwma a insawi mai bakah, Facebook neitu Mark Zuckerberg pawisate a dil hial. Hetiang hian Kanye West hi insawi mah se, a chet danah hi chuan sum a tlak chham hmel vak loh.

Tunhnai khan Kanye West hian New York-a Madison Square Garden-ah fashion show a buatsaih a, hetah hian USD mtd 2 zet chu a hmang ral mai.

Radar Online-in a tarlan dan chuan Kanye West hian Yeezy Season 3 Fashion Show a buatsaih a, a hmunah hian Madison Square Garden a hmang a, he hmun hman man hi a to hle. Adidas chuan hmun dang, man tlawm zawk hman tur an kawhhmuh pawhin West hian a duh tlat lo a ni âwm e. Retheia a insawi ang aiin a la hausa hle niin alang.