Zayn Malik-a'n studio a lut leh tawh

One Direction member ṭhin tun hnaia 'pu' ni ta Zayn Malik chuan studio a luhchilh leh ṭan tawh.

Inrinni liam taah khan Instagram-ah Zayn hian story update-in studio-a a awm lai video hmuh tur a awm. Khawthlang media-te chuan hei hi an ngaihven zui nasa hle a, a studio album pathumna tur a buaipui leh tawh niin mi ṭhenkhat chuan an ngai.

Kum 27 mi Zayn Malik hian kum 2016 khan Mind of Mine a tlangzarh a, kum 2018 khan Icarus Falls tlangzarh lehin hemi hnu hian album lam chu a sawi lang tawh meuh lo. Single erawh a tichhuak zeuh zeuh thung a, tunah studio langa story a update takah hian mi ṭhenkhat chuan album thar a buaipui a nih an ring.

September thla khan model Gigi Hadid nen an fa hmasa ber an nei a ni.