Khiangte Construction Ṭhazual Lengzem: Hmangaihi 'Friendzone' a chungnung

T. Vanlalhmangaihi chuan 'Friendzone' hmangin Khiangte Construction Ṭhazual Lengzem chart-ah ro a rel.

Mizo Idol 2022 intihsiak lai aṭanga a zaithiam leh aw nalh zia kan hriatchian tawh, Hmangaihi hian intihsiak zawh hnuah music video a tichhuak mai lo a, 'Friendzone' hi a tihchhuah hmasa ber niin, August 30 khan YouTube-ah a dahchhuak a ni. He hla phuahtu hi The Official H.O.M a ni a, recording hi Lord’s Audiocraft Production-ah tiin guitarist hi Mangheta Jahau leh Indie Creep te an ni. Music video hi Jonmizo Visual kutchhuak a ni thung. He hla hi streaming platform hrang hrang - Spotify, Apple Music leh iTunes-ahte dah a ni bawk.

Hmangaihi hian chart-ah hla pahnih a rawn lanpui thei a, a hla thar 'Mangṭha mai le' tih chu paruknaah a rawn awm bawk a ni.

Keimah Senes X Tlangval Tlumtea X Lil Me 'Lam ang u' tih chu chart hmasa lama pasarihna aṭangin pahnihnaah a rawn invawrh chho bawk. Mary Dawngi pawhin 'Aw Bawihte' tih chu pathumna a rawn nihpui a, Michelle Varte hla thar, 'Ka chanpual' chu palinaah awmin, Siamsiami Pachuau 'Senhri Par' chuan Top 5 a rawn khar.

Ṭhazual Lengzem Top 10-ah mi thar pali kan hmu a, Puipuia Chhakchhuak, HT Lalthanzami, Zading ft Johny leh Asanga Project ft Ruth Tochhawng & Fawni Ralte-te chu chart-ah an rawn lang thar a ni.