MusiCares Person of the Year-ah Jon Bon Jovi

Bon Jovi lead singer, Jon Bon Jovi chu 2024 MusiCares Person of the Year atan puan a ni a, nakkum February 2-a Los Angeles Convention Centre-a Person of the Year charity gala buatsaihah chawimawina hi hlan a ni ang.

Jon Bon Jovi hi rock and roll lama a thawh hlawk bakah, Jon Bon Jovi Soul Foundation kaltlanga mi rethei zawkte tana a hnathawh ṭhat avangin Person of the Year atan hian thlan a ni tih MusiCares chuan a puang. Bon Jovi frontman hi kum 61 mi a ni tawh a, MusiCares in chawimawina dawng tura an thlang chu a lawm thu a sawi. Charity gala hi Grammy Awards sem hmain, ni hnih chhung neih niin cocktail reception, dinner, leh tribute concert-te an buatsaih ṭhin. MusiCares Person of the Year chawimawina hi Dolly Parton, Fleetwood Mac leh Smokey Robinson-te pawhin an lo dawng tawh a ni.