Rihanna-i'n combeback tour a nei dawn

'Diamonds' hitmaker Rihanna chuan Live Nation nena inremna siamin, 2024/2025-ah comeback tour a nei dawn niin an sawi.

Rihanna hian A$AP Rocky nena an fa pahnihna chu August 1 khan a nei a, rimawi khawvel lamah pawh thawm a nei vak rih lo. Mahse Live Nation nen hian USD mtd 32-a inremna siamin, comeback tour nei tur hian a inbuatsaih ṭan niin an sawi. Album pahnih daih tur hla thar pawh a nei tawh nia sawi a ni bawk. A album tihchhuah hnuhnung ber chu kum 2016 daih tawh ami 'Anti' kha a ni a, nikum October khan a single "Lift Me Up" tih chu a tichhuak bawk a, hei hi "Black Panther: Wakanda Forever" soundtrack-a mi a ni.