Blue-in theatre tour nei dawn

2000's tir lama hla hit tak, 'All Rise' leh 'One Love' leh a dang emaw zat hmanga khawvel huapa lo lar tawh, boyband Blue chuan kum thar lamah UK-ah theatre tour neih an tum.

Kum 2000-a din, British boy band Blue member-te hi Duncan James, Simon Webbe, Antony Costa leh Lee Ryan niin, nakkum April 16-ah Liverpool Philharmonic Hall aṭangin tour hi an ṭan dawn a, Sheffield, Glasgow, Edinburgh, Gateshead, Nottingham, Ipswich, Wolverhampton, Portsmouth leh Truro-ah show hi neiin, May 11-ah Manchester-a Bridgewater Hall-ah a kharna an nei ang. Blue hi nikum khan an album parukna, 'Heart and Soul' siam turin an intel khawm thar leh a, arena tour an nei zui nghal a ni.