BLACKPINK Jisoo a single

BLACKPINK Jissoo chu a single leh ta. "Pink Venom" singer agency YG Entertainment chuan South Korean star hi actor Ahn Bohyun nen an inṭhen tih a rawn nemnghet.

Star pahnihte hi thla hnih liam ta khan an inkawp thu an nemnghet chauh a, mahse, nimin khan YG Entertainment chuan thuchhuah siamin Jisoo leh Bohyn-te hi an inṭhen leh ta tih a rawn sawi a ni. Star pahnihte hian an hna lamah an buai dun em avangin an relationship tihtawp hi an duh ve ve ta a ni, an ti.

Jisoo hi Korean webtoon lar tak, 'Omniscient Reader' movie adaptation siam turah a chang dawn a, he movie-ah hian Lee Min Ho, Nana, Ahn Hyo Seop, Chae Soo Bin leh Jung Sung I te nen an chang dawn. Original webtoon hi kum 2018 khan a chhuak a, webtoon en hlawh ber zingah a tel.