Puithiamin Madonna boycott turin a hrilh

Madonna hi a khawsak dan, a inchei dan leh a hla avangtein Kristian kher lo, sakhaw dang zingah pawh dodal a hlawh hle ṭhin a, tunah pawh hian Catholic Archbishop chuan Catholic-te chu Madonna dodalna lantir turin a hrilh.

Madonna hian tunkar hian Philippines-a Manila-ah concert a nei dawn a, concert a neih tur hi dodal turin Archbishop chuan Catholic mipuite a hriattir. Philippines hi Asia-a a percent-a Kristian tamna ber ṭhin a ni a, zaa 80 vel zet Kristian an ni a, Kristian tam ber hi Catholic an ni.

Madonna hian Rebel Heart tour neiin khawvel hmun hrang hrang a fang a, tunah hian Asia ram a fang mek. He tour hi a album 13-na tihlarna tour a ni.