Vohbik Kum 10 hnuah album an tichhuak ta

Kum 2006 hnuah album an tichhuak lo leh vang vang a, kum 10 a liam meuh chuan Vohbik pawh a ngaiin, a hma ang bawka thiamin an rawn chhuak leh ta. Vohbik hian nimin khan an album thar 'Halleluiah' tih chu an tichhuak.

Kum 10 hnua Vohbik album thar 'Halleluiah' tih hi nimin khan Cozy Den, Khatlaah Upa Zothanmawia'n Pathian hnenah a hlan. He album-ah hian hla hrang hrang 11 a awm a, audio leh music video tea siam a ni. Hla 11 zingah hian 'Ṭawngṭai theihnghilh suh' tih chu version hnih - acoustic leh acoustic lo nena dah a ni a, a vaiin hla 12 a awm. Heng zinga hla pathum chu audio-ah hian a awm lo thung.

Hla 12 awmah hian hla pathum chu video an lo tihchhuah tawh sa an telh a ni a, a bak chu hla thar a ni. Vohbik ten album an tihchhuah hnuhnung ber kha kum 2006-a 'Hmangaihna' kha a ni.

Vohbik hian kum 2003 khan 'Hosana' album an tichhuak a, a hlawhtling nghal hle a, Mizorama album hralh kal ber pawl a ni nghal. Hemi kum vek hian Krismas album an tichhuak lehnghal a, hei pawh hi a hlawhtling hle. Tuna an album hi an album palina a ni.