Billboard 200: Bad Bunny album thar a rawn lang e

Billboard 200 album album chart-ah Bad Bunny album thar, 'Nadie Sabe Lo Que Va a Pasar Manana' chu a chung berah a rawn awm. Rapper hian chart-ah no. 1 ni thei album pathum a neihna a ni ta.

'Nadie Sabe Lo Que Va a Pasar Manana' hian kar liam ta khan equivalent album unit 184,000 a nei a, kar khat chhunga album stream nasat ber niin, on-demand official stream mtd 239.56 hu a nei. He album hi kum 2023 chhunga Spotify-a ni khata album stream ngah ber a ni. Kum 2020, 2021 leh 2022-ahte a zawnin Bad Bunny hian Spotify-a Latin artist stream ngah ber dinhmun a lo hauh tawh bawk.

No. 2-ah Drake 'For All the Dogs' chu tla thlain, a kar hnihnaah equivalent album unit 164,000 a nei. TXT (TOMORROW X TOGETHER) chuan an album thar, "The Name Chapter: Freefall" chu no. 3-ah an rawn lanpui bawk a, equivalent album unit 114,500 neiin K-pop group hian Billboard 200 Top 10-ah album pali an lanpui ta a ni.

Zach Bryan-a self-titled album chu no. 5 aṭangin no. 4-ah a rawn chho a, equivalent album unit 73,000 a nei a, unit 70,000 nei, Offset "Set It Off" chu no. 5-ah a rawn lang thar bawk.

Top 10-a lang dangte hi chart leader lo ni tawh vek an ni bawk a, chungte chu Morgan Wallen 'One Thing at a Time', Rod Wave 'Nostalgia', Taylor Swift album pahnih -'Lover' leh 'Midnights' bakah Olivia Rodrigo 'Guts' te an ni.