Snapchat hmangtu mi mtd 406 an awm

American multimedia instant messaging app, Snapchat hmang ṭhin an pung chak hle. Khawvel pumah ni tina he app hmang ṭhin hi mi maktaduai 406 an tling tawh.

Hetih lai hian Snapchat parent company, Snap sum lak luh erawh a tlahniam thung. Third-quarter a Snap sum lak luh hi USD mtd 368-in a tlahniam a ni. Mahse third-quarter bika sum lak luh hi tlahniam mah se, kumina an sum lak luh tawh zawng zawng erawh USD tld 1.2 dawn a ni tawh a, nikum aiin 5% a pung.

Ni tina Snapchat hmang ṭhin pawh kum khat chhungin 12% in an pung a, mtd 406 an tling. December thlaah chuan mtd 410-412 tling turin an chhut.

Snap hian AI-powered chatbot, 'My AI' a siam hnuah mi mtd 200 chuangin message tld 20 chuang an thawn tawh. Content creation pawh a pung hle a, US bikah kum 2022 aiin story post hi a let thumin a pung a ni.

Snap CEO Evan Speigel chuan company chuan advertising partner tam zawk an neih theihna turin advertising platform pawh tihlen zel an tum tih a sawi. Hetih lai hian chief operating officer Jerry Hunter chu a chawl dawn a, a thlaktu tur hi ruat a la ni lo tih company chuan a sawi. Hunter hian kum sarih liam ta khan Snap hi a zawm a, company engineering leh business structure dinna kawngah mi pawimawh tak a ni. Nakkum July 1 thleng Snap tan hian a la thawk zui ang.