The Rock-a lim an siam ṭha

Grevin Museum, Paris-a Dwayne "The Rock" Johnson' lim siam chu sawiselna tam tak a awm hnuah siam ṭhat a ni tih managing director Yves Delhommeau chuan a sawi.

Kar liam ta khan The Rock-a lim hi tlangzarh a ni a, mahse, a lim hi ama vun rawng ang lo taka ngo/var deuha siam a ni a, hei hian sawisel a hlawh hle. The Rock ngei pawhin an tarlan danah hian a lawm vak lo tih sawiin, Grevin Museum lam chu an be dawn tih pawh a lo sawi lang tawh bawk.

Museum-a PR hotu, Veronique Berecz chuan The Rock hian a nihna aia ngoin a lim an siam tih thu a hrilh thu leh ṭha taka an indawr thu pawh a sawi. He lim siam dawn hian amah tak entawn loin, a thlalak hrang hrang an entawn a, hei vang hian tihsual palh pawh a awlsam niin a sawi. Lim hi The Rock ang thei tur bera siam ṭhat a nih thu a sawi a ni.