Nicki Minaj album tihchhuah hun sawn

Nicki Minaj chuan a studio album pangana tur, 'Pink Friday 2' a tihchhuah hun tur a sawn.

Live stream-ah Minaj chuan a album tihchhuah hun a sawn hlat thu hi sawiin, November 17-a tihchhuah tura a lo ruahman tawh chu a birthday, December 8-ah a tichhuak zawk dawn tih a sawi a ni. November 17-ah hian album thar tur pre-sale information erawh a rawn tarlang ang.

Minaj hian JCPenney leh Amazon thawhpuiin, Pink Friday 2 pual hian perfume pahnih an siam tur thu a sawi a, December 13 leh 26-ah te an rawn pho chhuak dawn bawk a ni.