HBO-in Covid-19 dona atan $mtd 1 thawh

American pay television network, HBO (Home Box Office) chuan Covid-19 dona turin, Los Angeles Emergency COVID-19 Crisis Fund-ah $maktaduai 1 a chhung lut.

HBO hian kumina programme a siam tur 'Emmy' after-party leh For Your Consideration (FYC) event-a pawisa hman tura a ruahhman chu Covid-19 dona atan a pe ta zawk a, Emmy after-party September 20-a neih tura ruahmanna erawh  ṭhulh a la ni lo thung.

Heng pawisa HBO-in a thawhte hi hri leng vanga eizawnna kawnga harsatna tawk tan te, sumdawng tenau tan te leh healthcare worker-te hman tur atana tih a ni. HBO Programming president Casey Bloys chuan HBO-in ṭanpuina pawisa a thawh thei chu lawmawm a tih thu a sawi a, hrileng dona kawngah ṭanrual a pawimawh thu a sawi bawk a ni.