Oscar-a thil chhinchhiah tlak tlêm azawng

Kum 1942-a Greer Garson-i'n Oscar a dawn ṭum a, a thusawi kha Academy Awards-a acceptance speech rei ber a ni a, minute nga chuang lai a ni. Kuminah hian award an dawn a, thusawi an phalsak hun chhung hi second 45 chauh a ni.

Best Title Writing leh Best Comedy Direction te hi Oscar-ah vawi khat chiah an sem a, a hnuah an sem zui leh tawh lo.

Mimalah chuan Meryl Streep hi Oscar-a langsar ber a ni reng a, nomination vawi 19 zet a hmu tawh a, mipaah emaw, hmei-chhiaah emaw pawh nominate-ah amah aia lang zing an la awm lo.

Walt Disney hian a film siam leh tih-chhuah hrang hrang aṭangtein Oscar-ah award 26 ngawt a dawng tawh a, heng zinga pali chu chawimawina liau liau bik award a ni.

Oscar ṭum khata award dawng hnem berte chu Lord of the Rings: Return of the King (2003), Titanic (1997) leh Ben Hur (1959) te kha a ni a, an lan kum ṭheuh hian trophy 11 zet an hawn!