Film siamtute'n shooting neih phal turin Tamil Nadu sorkar ngen

Tamil Nadu sorkar chuan an state chhungah May 11 aṭangin shooting neih a phal thu a sawi hnuah, state chhunga district 16-a movie theartre leh hall chu thupek awm leh hma chuan khar turin thupek a tichhuak leh a, film shooting neih lai pawh a titawp tir leh.

Hemi vang hian film siamtute chuan sorkar hnenah hian ngenna thlenin shooting neih chhunzawm phalsak turin an ngen. An film chan laklawh lai tihkhaihlak meka invest­ment tlingkhawm chu Rs vaibelchhe 600 a tling tih an sawi. Shoo­ting tihtawp hian producer bakah heng film kaihhnawiha eizawng mi tam tak tan harsatna a thlen tih sawiin, sorkarin hri laka himna tura kaihhruaina a siamte zawm chunga film chan chhunzawm leh hi phalsak turin an ngen. 

Film producer Dha­nanjayan, Suresh Kamat­chi, PL Thenappan, JSK Sathish, T Siva leh mi­dangte chuan Infor­mation and Publicity minis­ter, Ka­dambur Raju chu an hmu a, a hnenah hian heng an harsatnate hi an thlen a ni.