One Direction reunion thleng dawn lo?

Tunhnaiah khawthlang media-te'n an kum 10 tlin lawmna pualin One Direction-in reunion an nei dawn niin nasa takin puangzar tawh mah se Niall Horan chuan 'reunion' turin ruahmanna engmah an siam loh thu a sawi mauh mai.

Liam Payne-a'n inzawmkhawm leh tura inbiakna an neih thu sawi chhuak tawh mah se Niall chuan fan-te tana thu lawmawm hlui tur an la neih loh thu hi a sawi lang thung  a ni.

Smallzy's Surgery-a a inlannaah hemi chungchang hi sawiin Niall chuan thumumal sawi an la neih loh thu a sawi. "Kan indin aṭanga kum 10-na a thleng dawn a, eng emaw tlangzarh theih kan nei em tih chu kan sawi lo a, eng emaw tichhuak turin thutlukna kan siam lo," a ti.

Hman deuh khan Liam Payne chuan an inzawmkhawm leh thut mai thei tih a lo sawi thawi tawh a, mahse tuna Niall thusawi nen hi chuan a inmil lo hle.