Hustle film-ah Adam Sandler

Netflix film thar tihchhuah tur, Basketball movie, Hustle-ah American actor Adam Sandler chu kan hmu dawn tih Variety magazine chuan a tarlang.

Variety tarlan dan chuan Sandler hian he film chang tur hian contract a ziak a, Jeremiah Zagar chuan a direct dawn a, Sandler-a company  Happy Madison Productions, basketballer LeBron James leh Maverick Carter-ten an produce dawn bawk a ni. Taylor Materne leh Will Fetters-te'n script an ziak ang.

Hustle-ah hian Sandler hi American basketball scout niin, dik lo taka a hna aṭanga ban a nih hnua ram danga player talent nei ṭha tak zawng chhuak a, US-a inkhel tura a hruai dan chanchin tarlan a ni dawn a ni.