Asia Pacific Youth Conference-ah General Choir

United Pentecostal Church, North East India Unit hnuaia zaipawl lian ber, General Choir leh, General PYD hruaitute chu Philippines-a Asia Pacific Youth Conference hmang turin an kal dawn. Youth Conference hi Philippines khawpui Manila, Nino Aquino Stadium-ah October 31- November 3 chhung neih a ni ang.

Conference-ah hian Asia region leh Pacific region ṭhalaite an fuan khawm dawn a, ram hrang hrang leh hnam hrang hrangte inpawh tlanna tura buatsaih niin, he hunah hian international-a ṭhalai hruaitu ni mek leh lo ni tawhte'n rawngbawlna an nei dawn a ni. Philippines bakah Bangkok tlawh kawiin, UPC kohhran-ah General Choir te hian zaia rawngbawlna an nei nghal dawn bawk. General Choir hi General PYD hnuaia kum 2008 a din niin, Vulmawi Award leh Lelte Award-te an lo dawng tawh a ni.