Justin Timberlake-a'n IG comment a off

Britney Spears-i'n a memoir,'The Woman in Me'-a a bialpa hlui, Justin Timberlake nena an chanchinte a ziah lan hnuah Britney fan-te chuan Justin Timberlake an bei zui nasa hle. Message huatthlalaawm tak tak a dawng a, a IG lamah pawh an ankhum nasa a, hei vang hian Timberlake chuan comment a off.

October 24 khan Britney lehkhabu hi tlangzarh a ni a, tlangzarh aṭanga a ni hnihna, October 26 khan Timberlake hian a IG comment hi a off a ni. Justin sawiselna nasa tak a awm mek karah, NYSNC-a bandmate - Lance Bass, Joey Fatone, Chris Kirpatrick leh JC Chasez-te erawh chuan an thlawp ṭha hle thung. Justin hi Britney thil sawi dan chungchangah a ṭawng chhuak lem lo a, amah biak pawh tumna pawh a nei lo nia report a ni bawk. Mahse lehkhabua a thil sawi danah erawh a lawm lo hle thung.