Little Mizo Champs 2 awm leh dawn

Nikum khan school naupangte exam chawlh laia an hun-awl den-chhenin Little Mizo Champs buatsaih a ni tawh a, a hlawhtling a, kuminah pawh buatsaih leh a ni dawn.

Little Mizo Champs 2 hi Xcite Events 'n' Ideas (Xplus Management Group)-in a manage tur a ni dawn a, school naupangte nipui chawlha an activity atana ruahman a ni. March ni 15 thleng hian Zonet Office-ah registration a tih theihin a thehluh theih dawn a, 9612876466 leh 9862365464-ah te ngaihven theih a ni. March 16 leh 17 te hian audition neih a ni ang a, Grand Finale hi March 19 zanah Vanapa Hall-ah neih a ni ang.

He event-ah hian talent chi hrang hrang hmanga intihsiak tur a ni ang a, nikum khan lâm hmuhnawm tak te, naupang naupang têina drums an vuate hmuh tur a awm a, a hmuhnawm hle. Pakhatnain Rs. 25,000; pahnihnain Rs. 15,000 leh pathumnain Rs. 10,000 an dawng ang a, top 10 tan special prize a awm bawk ang. He event hi Ce Zonet chuan live-in a pe chhuak dawn a ni.