Leonardo chauh an sawi bik Hlawhtling tlai Ennio Morricone

Oscar ah Leonardo-a'n award a dawn hleih theih loh chauh khawvelin an sawi a, amah ai chuan Ennio Morricone hi sawi nasat zawk âwm tak a ni; kum 87 a nih hnuah a dawng ve chauh!

Leonardo DiCaprio hi Oscar-ah hian Best Actor-ah vawi nga nominate a ni tawh a, mahse Morricone erawh chuan kum 87 a nih kumah chauh a dawng thung. He composer ropui hi a hming leh amah hre lo mah ila, a music compose tawh erawh Mizote pawhin kan hre hle.

Ennio Morricone hian movie-a mi tur hla leh rimawi 500 chuang a phuah tawh a, chung zingah chuan Cowboy film lar, The Good, The Bad and the Ugly music, han ngaihthlak ringawt pawha cowboy ngawih ngawiha kan hriatte kha a phuah a ni a, chu bakah chuan Clint Eastwood-a channa tho, cowboy film tho - For a few dollars more original soundtrack te kha ama phuah vek a ni.

Morricone hian nomination vawi nga a hmu tawh a, kutlawng bawkin a haw leh ṭhin a, kuminah erawh chuan music-a a thawhhlawk leh ropuina avangin Best Original Score a dawng ta a ni. Hemi hma hian, kum 2007 khan chawimawina award ang chi erawh an lo hlan tawh thung.

Morricone-a'n a dawn chiah khan wild west hi khawvel movie platform-ah pawh ngaih ropui a ni tih khawvelin a lantir niin wild west, cowboy vel ngainatute chuan an ngai. Morricone-a tana a hlut lehzualna chu kumin hi The Good, The Bad and The Ugly film kum 50-na chiah a ni bawk.