Redmi Note 3 an launch

Nimin khan India-ah Xiaomi chuan an phone thar Redmi Note 3 an tichhuak a, chi hnih a awm a, a man tlawm zawk chi hi Rs. 9,300 man a ni a, a man to zawk hi Rs. 11,300 man a ni thung.

A hmai hi inchi 5.5-a hlai a ni a, 1920x1080 pixel resolution a ni. A RAM hi 2GB a ni a, a internal storage hi 16GB niin, apps install sa a awm nual avangin a tak taka hmun ruak la awm hi 9.43 GB a ni thung. A man to tur chi zawk a awm a, chutah chuan internal storage hi 32 GB niin, a RAM hi 3GB a ni thung.

MIUI 7.0. a hmang a, a processor hi MTK Helio X10 MT6795 octa-core a ni a, camera lamah thung chuan a hnung lamah 13MP a awm a, a hmalam hi 5MP a ni. A camera-te hi tunlai thiamna changkang zawka thuam a ni a, PDAF Autofocus an dah. Baterry lamah chuan 4000mAh zet a ni a, hmang miah loin dah vang vang ta ila, ni li chhung vel chu a daih thei ang.