Lelte Awards sem turin inbuatsaih

Mizorama music lama inchawimawina award hlun ber, Lelte Awards sem hun a hnai leh tawh a, inbuatsaihna kalpui chhoh mek zel a ni.

Lelte Awards hi kum 1984 aṭanga sem chhoh ṭan kha a ni a, kum 2000 hma lam kha chuan kum khat dana sem ṭhin a ni a, hemi hnu hi chuan kum tin sem a ni; kumin hi Lelte Awards vawi 25 semna tur a ni. Organising Committee chuan Silver Jubilee lawm turin ruahmanna a siam a, Organising chairman PC Lawmkung, IAS (Rtd) a ni dawn a, aniho hian sem dan tur ruahmanna siam a ni. Kumin hian category 34 a awm dawn a, kum danga awm ngai lo 'Mizo Zaithiam Ber' thlan chhuah a ni bawk ang. Lelte Awards hi April 8, 2016-a sem tura ruahman a ni.