Kardashian an hnawng

Khawvelin an chanchin an ngaih-ven viau nain, mi puitling zinga khawsa tak tak tur chuan an changkang tawk lo deuh a niang, Oscar pre-party-ah khan Kar-da-shian chhungkua chu an tel ve an phal lo.

Kar liam ta Inrinni khan Oscar pre-prty buatsaih a ni a, hetah hian Kardashian chhungkua chu an tel ve an phal lo a, a chhan chu a hmaa party awm tawhah nungchang mawi lo an put avng te, huau huau boruak an zawh tawk loh vangte a ni ber. A hma lawka party-ah Kardashian chhungkua hian zu in an thiam lohzia an lantir a, party boruak pawh an tichhe viau.

Raleigh Studios-a party-ah hian Kim, Kourtney, Khloe leh Kardashian dang hrim hrim hmuh tur an awm lo. A hmaa party-ah hian Kris Jenner a lo che mawi lo deuh hlek tawh a, mi chîl kual vel a ching an ti. Kris vang bera an kal phalsak loh a nih hmel deuh. Kim Kardashian tak hi chuan zu a in ngai lo tawp niin Khloe chuan a sawi.