Chapchar Kût Miss Lalnghakliani

Chapchar Kût pualin Diktawn chuan Chapchar Kût Miss a thlang a, a thlan chhuah hi Lalnghakliani, Aizawl Venglai a ni.

Nimina Lammuala Chapchar Kût hman a nih lai khan Vanapa Hall-ah Chapchar Kût Miss thlan a ni ve thung a, Kût Miss thlang tur hian scout hman an ni a, anni hian Lammuala Chapchar Kût hmanga kalte aṭangin, Mizo nula, Mizo inchei emaw, Mizo incheina tilang thei thawmhnaw inbelte thlang chhuakin chung mite chu Vanapa Hall-ah an kalpui a ni.

Scout-tena an thlan chhuah hi nula 60 chuang zet an ni a, heng aṭang hian judge-ten mi 10 an thlang chhuak a, chuta ṭang chuan midang paruk thlang chhuak lehin, paruk thlan chhuahte aṭang hian result puan a ni.

Miss Chapchar Kût 2016 atan Lalnghakliani, Aizawl Venglai, Lallawmchhunga fanu thlan a ni a, First Runner hi B. Lalmuansangi, Chanmari, B. Lalthansanga fanu a ni a, Second Runner Up hi Lalthanzami, Lalrinawma fanu, Zemabawk a ni. Third Runner Up-a pathum an awm a, Lalnunsiami D/o Lalengmawia, Keifang / Durtlang, Vanlalruati D/o Zoliana, Republic Vengthlang leh Saidingpuii Sailo D/o Lalengmawia Sailo, Salem Veng te thlan chhuah an ni.

Miss Chapchar Kût 2016, Lalnghakliani hian Rs. 10,000 a dawn bakah washing machine a dawng tel a, First Runner Up aṭanga Third Runner Up te hian Rs. 5,000 ṭheuh an dawng bawk. Heng a topper-te hian smartphone an dawng vek a, chu bakah chuan Citation leh Photo Frame an dawng bawk. Miss Chapchar Kût hi SIPMIU chuan an ambassador-ah an hmang ngal ang.

Miss Chapchar Kût

Hming : Lalnghakliani

Pa hming : Lallawmchhunga

Veng : Aizawl Venglai

DOB : Aug. 2, 1998

Hobby: Zai

Favourite colour: Black & White

Mizo hla duh ber :‘Nitinin hmangaih che ka duh’ - Pensy

Sap hla duh ber : ‘Hello’ - Adele