Mizoram Synod Choir album tlangzarh

Ningani zan khan KṬP General Conference, Champhaiah Mizoram Synod Choir album ‘Lal a ni’ tih chu Synod Secretary Upa H. Ronghaka’n a tlangzarh.

‘Lal a ni’ video album hi Synod Choir album palina a ni a, hla 10 dah a ni. Video hi LKA, Mission Vengthlang kutchhuak a ni a, audio recording leh mixing hi Hauhnar Records kutchhuak a ni thung. Album-ah hian disc pahnih awmin, Disc pakhatah hian music video a awm a, pakhat zawkah hian audio, hla thu leh soundtrack dah a ni bawk.

He album aṭang hian hla pathum chu single-in an tichhuak tawh a, pakhat chu Yahweh kha a ni a, Lalṭhuthleng Kiangah leh Pathian Kohhran te hi single-a an tihchhuah tawh dangte an ni.