Jay-Z-a'n buaina a tawk chho

Streaming platform thar Jay-Z hian a siam a, chuta zaithiamte chu midang zawngte aiin royalty a pe hnem a, mahse tunah hian harsatna a tawk chho mek.

Nikum mai khan Jay-Z hian Tidal a tichhuak a, Tidal hi music streaming platform a ni. Tidal-a zaithiamten zai an dahah, Spotify leh streaming platform dangte aiin royalty a pe hnem a, mahse tuna a buaina chu zaithiam ṭhenkhatten royalty an dawn tur an dawng lo a, court-a an zualko hi a ni.

A bikin zaithiam larte chu Jay-Z hian a pe ṭha viau a ni mai thei a, mahse independent artist ten Jay-Z hi court-ah khin an tum. American Dollar duo-a pakhat zawk, John Emanuele leh a label, Yesh Music Publishing te chuan Tidal leh Hov's Shawn Centre Enterprises lakah thubuai an thehlut a, USD mtd 5 zet chawitir tumin hma an la mek.

Court-a thu an thehluhah chuan Tidal hian American Dollar hla 118 zet mai chu Jay-Z hian Tidal-ah a dah chhuak a, hei hi American Dollar ten an hriatpui loh mai bakah, royalty pawh pakhat mah an dawng lo a ni.