Pathian hmangaihna avangin Sparks a lawm “Pathian khawngaihna hi kei hian ka phu thlâwt lo”

Kum 26 mi, zaithiam Jordin Sparks chuan Pathian hmangaihna avanga a lawmzia thu a sawi a, chutihrual chuan Pathian khawngaihna erawh a phu thlâwt lo a ni a ti bawk.

Sparks hian Pathian khaw-ngaihna a dawn avanga tun hun thleng a nihzia a hria a, chuvang chuan Pathian chung-ah a lawm hle a, a hmangaihna leh enkawlna a dawn avanga a lawmzia hi a sawi chhuak a ni.

Zai lamah a hming kan hre hmasa nachungin, Sparks hian movie lamah hmun ṭha a hmu chho ta zeuh zeuh a; kum 2014 khan ‘Left Behind’ film a chang a, he film hi mi thianghlim lawr chanchin behchhan deuh a ni. He film an chan hnu khan Sparks chuan a film chan chuan Kristian a nihna piah lamah nasa taka a nun a hneh thu a sawi chhuak a ni.

“[He film aṭang hian] He leiah hian nun awm reng tur thutiam kan hmu lo a, naktuk ni ṭha leh ropui tiamna thu kan hmu hek lo, mi tin hian he thil aṭang hian thil tam tak kan suangtuahin kan ngaihtuah chhuak thei tawh maiin ka ring,” a ti.

Sparks hian, a hmingthan hnu pawh hian inkhawm a thlah ngai lo a, Pathianni tin a inkhawm ṭhin. Khawi hmunah leh eng kohhranah nge a lawi tih erawh a sawi lo thung.