50 Cent-a'n a in a hralh

50 Cent chuan Connecticut-a a in chu a man zat atana a chhiar pangngai baka USD mtd 8 zeta tlawma a chhiar hnuah a hralh ta. He a in hi pindan 52 awmna a ni. He in hi kum 2003 khan Mike Tyson hnen aṭangin 50 Cent hian USD mtd 4.1-a a lei kha a ni a, a lei lai hian mut pindan ringawt pawh 21 zet a awm. A lei hnu hian USD mtd 10 vel zet sengin a chei ṭha a ni. Court-a a hrilh danin 50 Cent hian he in enkawl nan hian thla tin USD 72,000 zet a sen a ngai a, hei bakah hian a tual vel leh he in bula huan vel enkawl nan thla tin USD 5,000 sen a ngai bawk. Hetihlai hian 50 Cent-a thupuangtu chuan in hi hralh a la ni lo tih a sawi a, an la zuar mek chauh a, mi ṭhenkhatin lei tumin an rawn dawr mek a, mahse inrem siamna erawh a la awm lo niin a sawi.