xXx film-ah Colombia nula kha

Miss Universe-a mi, Miss Universe ni tura an puan zet hnua Miss Philippines hnena an hlan leh daiha mi, Miss Colombia chu Vin Diesel-a film thar tur xXx-ah a chang dawn.

Ariadna Gutierrez kha kan la hria ang a, Miss Universe ni rei lo ber, second tlem te chhung Miss Universe lo ni ve zawk tawh kha xXx: The Return of Xander Cage-ah Vin Diesel teho nen an chang dawn a, he film-ah hian Vin Diesel-a bialnu lemah a chang dawn niin TMZ chuan a sawi. He film-ah hian Indian actress leh model, Deepika Padukone pawh a chang dawn a, ani bakah hian Ip-Man-a a changtu, Donnie Yen te, Samuel L. Jackson te pawh an chang ang.

xXx: The Return of Xander Cage hi kum 2017 Janury 20 aṭang khian US-a chhuah ṭan hman tum a ni a, thawm a nei lian a, box office-ah pawh a dinhmun a san hle rin a ni.