Shakira-i'n Pique nena an inlaichin dan a puang

Colombian zaithiam Shakira chuan a pasal, futbol thiam Gerard Pique nena an inlaichinna a puang chhuak a, an inhmu zing thei bawk si lo, pasala sipai nei ang hial niin a inngai.

Hello! chanchinbuin an kawmnaah Shakira chuan an nupain an buai dun hle a, inah pawh an awm dun hman meuh lo ṭhin tih a sawi chhuak a, "Barcelona-ah a awm deuh tlut a ni ber a, a zin chhuak hlei thei lo; thla khatah chawlh rie lo te an nei ve zawk chauh a ni. Ni tin mai hian a team-te bula a awm a ngai a, training a ngai a, inkhelh a ngai reng a ni," a ti. "Sipai nupui ang mai ka niin ka inhria a, indonaah thi lo phawt mai se," a ti.

Shakira leh Gerard te hian fa pahnih - Milan, kum 3, leh Sasha thla 13 mite an nei tawh a ni. Gerard hi a fak hle a, pa ṭha tak a ni a, a fate tana entawn tur dik tak pa a ni tih a sawi.