G'nR-ah Izzy a tel dawn lo

Guns N' Roses chuan kumin hian stage-ah emaw, radio-ah emaw, a pahnih ve veah emaw chetho an tum a, hetah hian an member Izzy Stradlin erawh a tel dawn lo.

Guns N' Roses hian hmanlaia an band mem-ber pangngai ang chiaha inzawm leh tumin hma an la nasa khawp mai a, Axl leh Slash inhmuh-thiam lohna pawh sirah an dah ṭha mek a, amaherawh-chu a nih ang ngau ngau kha chuan an inzawmkhawm theih tawh loh hmel hle. Slash chuan Izzy hi a tel ve dawn lo niin a sawi tlat.

Rolling Stone chan-chinbuin an kawm-naah Izzy chuan, "Tunah rih chuan, April thla chhunga GNR-in show an neih turah hrim hrim tel ka tum rih lo a ni," a ti. Hei mai bakah hian, "Studio-a recording-ah pawh ka awm lo a, hla phuah leh siamah pawh pakhatah mah ka tel lo bawk," tiin a sawi.

Guns N' Roses hian tun thlengin concert-na tur hmun ruk chu an tifel tawh a, April thlaah hian Las Vegas-ah hmun hnihah, Coachella-ah ṭum hnih bawk leh, Mexico City-ah ṭum hnih bawk an che ang. Izzy Stradlin hian kum 1991 khan G'n'R a chhuahsan a, hemi hnu hian a band mate ṭhinte bulah a awm tam lo khawp mai.