Sira hnawltu Nike thawmhnaw nena inlar Maria Sharapova

Tennis star Maria Sharapova chu damdawi hman phal loh meldonium a hman thu a inpuan hnu lawkah Los Angeles khawpuiah a gym kal hmuh a ni.

Kum 28-a upa Russian star chhe lo hi damdawi hman phal loh a hman thu puan a nih hnu lawkah Nike chuan an thawhdunna an tihtawp thu puang mah se Nike thuam a inbel.

Nike leh Sharapova-te hian kum 2010 khan kum riat chhung atan kum tin dollar maktaduai 8.5 hu contract ziak mah se damdawi hman phal loh a hman thu puan a nih aṭanga darkar khatah Nike hian Sharapova an thawhpuina chu an hnuhdawh thu an puang a ni.

World number 1 hlui hi kum khata dollar maktaduai 2.8-a inremna siampuitu Porsche-in nakin zelah thawhpui an tum tawh loh thu sawi mah se Porsche car a khalh bawk.

Hetihlai hian Swiss watch brand lar TAG Heuer chuan kum khata dollar maktaduai 2.8-a inremna an neihpui tennis star contract chu tihtawp an tum thu sawi lo mah se contract thar erawh an zawrh tawh loh tur thu an puang.