Brad Pitt-a farnu tur Lizzy Caplan

Robert Zemeckis-a film siam tur a hming la puanzar lohah Lizzy Caplan chuan Brad Pitt leh Marion Cotillard-te a zawm ve dawn. He movie chhuak thar tur hi Paramount Pictures, GK Films leh New Regency-te ṭangrualin an siam tur a ni.

Siam ṭan a nih hma hauha thawm nei lian tak movie hi kum 1942 bawr vela World War II hunlaia spy pakhat chanchin behchhana siam a ni dawn a, Spy lemah hian Brad Pitt a chang dawn.

Brad Pitt hian North Africa vela mission rapthlak tak thawkin French agent chhe lo (Cotillard) zunah uaiin an innei ang a, Pitt-a farnu lemah hian Lizzy Caplan a chang thung ang.

Hetihlai hian nakum lama tih-chhuah tura ruahman "The Mummy" movie-ah Jake Johnson a chan tur thu puan a ni a, Tom Cruise chu a changtupa ber a ni ang.