Disney-ah Zac Efron a kir dawn

High School Musical star Zac Efron chu kum 1987-a American comedy film 'Three Men and a Baby' siam thar leh turah a chang dawn.

'Three Men and a Baby' hi Disney-in an siam ṭha leh dawn a, producer atan hian Gordon Gray hman a nih dawn tih The Hollywood Reporter chuan a tarlang a, director atana ruat erawh a tarlang lo thung.

Kumin April thlaa ABC Television-a pekchhuah 'The Disney Family Singalong' huna a inla kha Zac hian Disney-a thawhpui hnuhnung ber a ni a, mahse film thar an siam tur atan hian an chhungkaw member Zac hi an be leh ta a ni. 

Kum 2006-a High School Musical film a chan aṭanga lar, Zac hi tunah chuan kum 32 mi a ni ve tawh a, film lamah sulhnu a nei nual tawh a ni. A film chan thar tur hi streaming platform Disney+ chuan a pechhuak ang.