US Grand Prix-a zai tur Taylor Swift

October 22-a neih tura ruahman United States Grand Prix-ah ziathiam lar leh chhe lo Taylor Swift a inlar dawn.

Circuit of the Americas chair-man Bobby Epstein chuan US Grand Prix-a Taylor Swift an sawm chhan sawiin, "Engtinnge mipui tam zawk Formula 1 inelnaah kan hip theih ang tih kan ngaihtuah a, Taylor Swift sawm hi kan ti tlu ta a ni," a ti.

Epstein chuan sawi chhun-zawmin, "Tun hma chuan kan chhehvela thil thleng engkim ngaihtuah chungin Formula 1-a inlan tur hi kan sawm ṭhin a, tunah chuan chutiang ngaihtuah thei pawh kan ni lo. Kan hmalam hun hi thui tak kan thlir a ngai a ni," tiin Taylor Swift sawm tura an inngaihtuah buai loh thu a sawi.

Circuit of the Americas hotupa chuan, "Tunah chuan kan ticket siam zawng zawng kan hralh zawh vek theih kan inbeisei a, hei hi Formula 1 leh Taylor Swift inkawp vang a ni," tiin a phur hle.

Taylor Swift hian Grammy award 10 lai hun tlar tur a nei tawh a, nikum khan a album pangana '1989' chu hlawhtlinpuiin tlangzarh a nih karah cpoies maktaduai 1.3 an hralh nghal a ni.