'xXx'-ah National Football League star hlui

Bollywood star chhe lo Deepika Padukone-i'n Hollywood film-a sulhnu a neih hmasakna ber tur 'xXx: The Return of Xander Cage'-ah National Football League star lar ṭhin Tony Gonzalez a inlan ve dawn.

American football-a Kansas City Chiefs leh Atlanta Falcons tana tight end position-a khel ṭhin Tony Gonzalez-a tan 'xXx: The Return of Xander Cage' hi a film channa hmasa ber tur a ni ang.

'xXx' film hmasa ber hi kum 2002 khan tih chhuah niin khawvel pumah dollar maktaduai 277 vel zet an la lut. January 20, 2017-a tih chhuah tur 'xXx: The Return of Xander Cage'-ah hian Vin Diesel chu a changtupa ber niin Indian actress Deepika bakah Ruby Rose, Nina Dobrev, Donnie Yen leh Samuel L. Jackson-te pawh an chang a ni.