Intluktlanna au puitu Emma Watson

Hollywood actress lar Emma Watson chuan khawvel khawi hmunah pawh hmeichhe dinhmun a hniam niin a sawi a, hnathawh in ang rengah hlawh pawh pek tlem bik an nih ṭhin thu a sawi mauh mai.

Kum 2014-a mipa leh hmeichhe intluktlanna aupui tura pawl HeForShe dintu Watson chuan, "Ken-ya rama thingpui huana thawk i ni emaw, Wall Street-a stockbroker i ni emaw, Hollywood actress pawh ni ila hmeichhia kan nih chuan mipa aiin kan hlawh tlem zawk zel a ni," a ti.

'Harry Potter' star chuan mite ngaihdan a thlir loh thu sawiin, "In duh duh danin min ko ula, duh leh feminist pawh minti se pawi ka ti lo. Hei hi thudik chu a ni miau a, mi min sawiselna hian thil ṭha ka tihna kawngah min dal lo ang. Heng zawng zawng a tawpna tura
ṭha ber chu mipa te'n min ṭawiawm hi a ni," tiin hmeichhiate tan theihtawp chhuah chhunzawm zel a tum thu a sawi.